Ɗan takarar neman kujerar shugabancin Najeriya a ƙarƙashin jam’iyar NNPP Rabi’u Musa Kwankwaso ya yi dirar mikiya a kan gwamnatin shugaba Muhammadu Buhari inda yace.
Babu abinda talakawan Najeriya ke amfana da shi a halin yanzu a ƙasar ban, face baƙin talauci yunwa da tsadar rayuwa, a wani jawabi daya gudanar Kwankwaso ya ƙara da cewa.
A halin yanzu za’a iya cewa Buhari da jam’iyyar sa ta APC sun rusa komai a ƙasar nan saboda haka ina kira ga ƴan Najeriya da su zage damtse su kayar da jam’iyyar APC da PDP a dukkan matakai.
Dubai ta soke haraji a kan barasa don bunkasa yawon buɗe-ido
Gwamnatin Dubai ta soke haraji na kashi 30 cikin 100 a kan barasa domin bunƙasa harkokin yawon buɗe ido a ƙasar.
Har ila yau, Dubai za ta soke biyan kudaden lasisin barasa, ta yadda za ta saukaka samun lasisin ya zamto a kyauta ga masu shan barasar a Hadaddiyar Daular Larabawa.
Tare da bunkasar tattalin arziki ta hanyar yawon shakatawa, Dubai na ɗaya daga cikin biranen da aka fi ziyarta a cikin UAE da kuma duniya baki daya.
Matakin na baya-bayan nan dai wani yunkuri ne da gwamnatin kasar ta yi na ganin birnin ya ƙara zama abin sha’awa ga baƙi ƴan ƙasashen waje, a dai dai lokacin da ta ke fuskantar gasa daga makwabtanta na Tekun Fasha kamar Saudiyya da Qatar.
Hakan ya sanya masu rarraba barasa guda biyu a Dubai – Maritime da Mercantile International (MMI), da Afirka maso Gabas – sun sanar da rage haraji a ranar Lahadi, a wani yunkuri na cin gajiyar abokan ciniki.
Tyrone Reid, babban jami’in kungiyar, MMI, da Emirates Leisure Retail, ya ce matakin kawo karshen harajin kashi 30 na sayar da barasa ya zo ne bayan sanarwar da gwamnati ta yi, inda ya bayyana cewa ya fara aiki nan take.
Reid ya kara da cewa lasisin giya zai zama kyauta-don samu ga waɗanda suka cancanci siyan barasa bisa doka a cikin birni.
Views: 10