Wani matashi mai matsakaicin shekaru mai suna Alfa Olukuluku Kabiru a ranar Laraba ya rasa ransa yayin da yake tsaka da satar waya a transfoma sai aka maido da wutar lantarki wutar lantarki a lo a Lokoja, babban birnin jihar Kogi.
Lamarin ya faru ne a dandalin Paparanda da ke Lokoja, da misalin karfe 2 na safe, lokacin da Kabiru ya yi kokarin satar na’urar taranfoma na kamfanin Rarraba Wutar Lantarki ta Abuja (AEDC).
Wutar lantarki ta kama shi a lokacin da aka maido da kayan aikin wutar lantarki kafin ya kammala aikin sa na aikata laifi.
Shedun gani da ido ya ce Kabiru na yanke na’urar taransfoma ne kwatsam sai wutar lantarki ta dawo yankin.
An tabbatar da cewa Kabiru dan asalin Lokoja ne, daga titin Angwan-Masara.
Mazauna yankin da masu wucewa da suka taru a wurin, sun yi tir da Allah wadai da barayin taranfoma da ke addabar talakawa a jihar cikin shekaru biyu da suka gabata.
A shekarar 2022, an lalatar da tiransifomomi 55 da aka sace a cikin birnin Lokoja kadai. Mazauna yankunan da abin ya shafa sai da suka jure da duhu na tsawon watanni kafin su samu mafi karancin Naira 800,000 kowannensu don gyara wadannan taransfoma.
Da Kabiru ya kawar da igiyar, da duk yankin ya shiga duhu tsawon watanni.
A halin da ake ciki dai har yanzu ba a fitar da gawar wanda aka kashe ba har zuwa lokacin hada wannan rahoto…
Views: 42